ದುರಾಸೆ

ಕಂಡ ಕಂಡ ಕಾವಿಚಾಟಿಗೆ ತಲೆಬಾಗಿ
ಢಂಬ ವಾಚಾಳಿತನಕ್ಕೆ ತಲೆದೂಗಿ

ಮಾನಗೆಟ್ಟ ಮಾನವರ ಮೌಢ್ಯಕ್ಕೆ

ಮರುಗಿದನಾ ಓಮಾರ

ಕಠಿಣ ನಂಬಿಕೆ

ಹುಟ್ಟು ಕುರುಡನ ಮೂತ್ರಪಿಂಡವು ಕೆಟ್ಟು ಹೋಗಿ
ಅಜ್ಜಿಯು ತನ್ನದೊಂದ ದಾನವಿತ್ತುದ ನೋಡಿ
ದೇವರ ಕರುಣೆಯನು ಹೊಗಳಿದವರ
ನಿಷ್ಕರುಣೆಯ ತೆಗಳಿದ ಓಮಾರ

ಬಹ್ವಿಶ್ವ

ಭೌತಶಾಸ್ತ್ರದ ಬಹ್ವಿಶ್ವದ ಕಲ್ಪನೆಯನೋದಿ
ಈ ವಿಶ್ವದಲಿ ಕೈತಪ್ಪಿದ ಮಾಣಿಕ್ಯವು
ಯಾವುದೋ ವಿಶ್ವದಲಿ ಕೈಗೂಡಿದುದನು
ಊಹಿಸಿ ನಿಧಿ ಸಿಕ್ಕಂತೆ ಹಿಗ್ಗಿದನೋಮಾರ




ಬಹ್ವಿಶ್ವ is the coined kannada word for multiverse.