ದುರಾಸೆ

ಕಂಡ ಕಂಡ ಕಾವಿಚಾಟಿಗೆ ತಲೆಬಾಗಿ
ಢಂಬ ವಾಚಾಳಿತನಕ್ಕೆ ತಲೆದೂಗಿ

ಮಾನಗೆಟ್ಟ ಮಾನವರ ಮೌಢ್ಯಕ್ಕೆ

ಮರುಗಿದನಾ ಓಮಾರ

ಕಠಿಣ ನಂಬಿಕೆ

ಹುಟ್ಟು ಕುರುಡನ ಮೂತ್ರಪಿಂಡವು ಕೆಟ್ಟು ಹೋಗಿ
ಅಜ್ಜಿಯು ತನ್ನದೊಂದ ದಾನವಿತ್ತುದ ನೋಡಿ
ದೇವರ ಕರುಣೆಯನು ಹೊಗಳಿದವರ
ನಿಷ್ಕರುಣೆಯ ತೆಗಳಿದ ಓಮಾರ

ಬಹ್ವಿಶ್ವ

ಭೌತಶಾಸ್ತ್ರದ ಬಹ್ವಿಶ್ವದ ಕಲ್ಪನೆಯನೋದಿ
ಈ ವಿಶ್ವದಲಿ ಕೈತಪ್ಪಿದ ಮಾಣಿಕ್ಯವು
ಯಾವುದೋ ವಿಶ್ವದಲಿ ಕೈಗೂಡಿದುದನು
ಊಹಿಸಿ ನಿಧಿ ಸಿಕ್ಕಂತೆ ಹಿಗ್ಗಿದನೋಮಾರ




ಬಹ್ವಿಶ್ವ is the coined kannada word for multiverse.

ಜೀನ್ ಪೂಲ್

ಜೀನ್ ಪೂಲ್

ಹಳೆಬೇರು ಹೊತ್ತ ಮರಕೆ ಹೊಸ ಚಿಗುರನಂಟಿಸಿ
ಸೊಗಸ ತರಲು ಹಳೆಯ ಮಾಲಿಯೇ ಆಗಬೇಕೆ?
ಇಂಜಿನಿಯರ್ ಚಿತ್ರ ಬಿಡಿಸಿದರೆ, ವೈದ್ಯ ಪದ್ಯ ಬರೆದರೆ,
ಒಲ್ಲೆನೆಂದಾವೆ ಕಲೆ, ಕಾವ್ಯಗಳು ಎಂದ ಓಮಾರ.

abaddha

ಅಬದ್ಧ

ಬಂದ ಅಚೆಯ ತ್ಸುನಾಮಿ ಮುಗ್ಧ ಹಸುಳೆಗಳ ಕೊಂಡೊಯ್ದರೆ
ಹದಗೆಟ್ಟ ಮಾನವನ ಮೇಲೆ ನಿಸರ್ಗದ ಸೇಡೆನ್ನುವುದೆ?

ಮಂತ್ರಾಲಯದಲ್ಲಿ ನೆರೆಬಂದು ಅಮಾಯಕರು ನಿರ್ಗತಿಕರಾದರೆ
ಪೂಜೆ ಸಾಂಗವಾಗಿ ನಡೆಯದ ಅಮ್ಮನ ಕೋಪವೆನ್ನುವುದೆ?

ಈ ಅಬದ್ಧಗಳ ಜನರಿಗೆ ಹಂಚಿ ವಂಚಿಸುವ ’ಜ್ಞಾನಿ’ಗಳ
ಬಾಯಿಗೆ ಕಡಿವಾಣವೇಕಿಲ್ಲವೆಂದು ಕೊರಗಿದ ಓಮಾರ.


Please right click on the image below and select 'open in a new window' to view bigger.

ಸಹಜ

ಸಹಜ

"ನೆರೆರಾಜ್ಯದಲಿ ನಾಯೊಂದು ನೆರೆಯಿಂದನಾಥವಾದ ಕೊತ್ತಿಕೂಸಿಗೆ
ಹಾಲೂಣಿಸಿತಂತೆ. ಇದು ದೈವಲೀಲೆ, ಆ ಕರುಣಾಕರನ ಕುರುಹು!"
ಈ ಕತೆಯ ಕೇಳಿ, ನೆರೆ ತಂದು, ಜನ ದನ ಜೀವಿಗಳನೆಲ್ಲ ಕೊಂದು,
ನಿರ್ಗತಿಕರನ್ನಾಗಿಸಿದ ನಿಷ್ಕರುಣಿಯಿಂದ ಮುಖ ತಿರುಗಿಸಿದ ಓಮಾರ.

Please right click on the image below and select 'open in a new window' to view bigger.

adButa

ಅದ್ಭುತ

ದೂಳಿನಿಂದ ದೂಳಿಗೆಂಬ ಮೂದಲಿಕೆಯ ಮಾತ ನಂಬದಿರು.
ವಾಕ್ಯಕ್ಕರ್ಥ ತುಂಬುವ, ಕಂಸಗಳನಡುವಿನ ಪದಗಳಂತೆ ನೀನೂ.
ಜಗವಿದಚ್ಚರಿಯಕ್ಷಯಪಾತ್ರೆ. ಅದರ ಗುಟ್ಟನರಿಯಲೆತ್ನಿಸುವ ನೀನೂ
ಅದರ ಒಂದದ್ಭುತ, ಎಂದು ಹುರಿದುಂಬಿಸಿದ ಓಮಾರ.


Please right click on the image below and select 'open in a new window' to view bigger.

Jnaana - ajnaan

ಜ್ಞಾನ - ಅಜ್ಞಾನ


ಬಲ್ಲವರು, ಬಲ್ಲಿದರು ಪಟಾಕಿ ಸುಟ್ಟು ಕಾಗದ ಹರಡಿದಾಗ
ಅನರಕ್ಷರಸ್ತ ಬಡವಿ, ಮುತುವರ್ಜಿಯಿಂದ ಬೀದಿಗುಡಿಸಿ
ಮನೆ, ರಸ್ತೆ, ಮನಗಳನ್ನು ಸ್ವಚ್ಛಗೊಳಿಸಿದುದ ಕಂಡು
ಬಲ್ಲವರಾರು, ಅಜ್ಞಾನಿಗಳಾರೆಂದು ತಲೆಕೆರೆದ ಓಮಾರ.


Please right click on the image below and select 'open in a new window' to view bigger.

muKastuti

ಮುಖಸ್ತುತಿ

ಚಿತ್ರ ಶಿಲ್ಪಿಯನು ಅಭಿನಂದಿಸಲು ಅವನ ಕೃತಿಗಳನು
ಸವಿದು ಹೊಗಳಿದರೆ ಸಾಲದೆ? ಮುಖಸ್ತುತಿ ಬೇಕೆ?

ಸೃಷ್ಟಿಕರ್ತನಿದ್ದಲ್ಲಿ, ಅವನ ವೈವಿಧ್ಯಮಯ ಸೃಷ್ಟಿಯನು ವಿಸ್ಮಯದಿ
ಸವಿದು ಅದನರಿಯಲೆತ್ನಿಸಿದರೆ ಸಾಲದೆ?, ಎಂದ ಓಮಾರ.


Please right click on the image below and select 'open in a new window' to view bigger.

atRupti

ಅತೃಪ್ತಿ

ಅರೆ-ಮನೆಯಲ್ಲಿ, ಅರೆಹೊಟ್ಟೆ ಉಂಡ ಪುಟ್ಟ ಹುಡುಗಿ
ತುಂಬು ಹೃದಯದಿಂದ ನಕ್ಕಿದ್ದನ್ನು ಕಂಡು,
ಅರಮನೆಯಲ್ಲಿದ್ದು ಅತೃಪ್ತಿಯಿಂದ ಕೊರಗುವ
ಲಾಲಸಿಗಳ ನೆನೆದು ಅಚ್ಚರಿಗೊಂಡ ಓಮಾರ.


Please right click on the image below and select 'open in a new window' to view bigger.